रावललाई एमालेको प्रश्न- कार्यकर्ताको दुःखले जम्मा गरेको रकम किन हिनामिना गरेको ? (पत्रसहित)

काठमाडौं । नेकपा एमालेले पार्टीका नेता डा. भीम रावललाई सोधेको ६ बुँदे स्पष्टीकरणमा अरु विषय अन्य नेतालाई जस्तै रहे पनि छैटौं बूँदामा पार्टीको सम्पत्ति हिनामिना गरेको आरोप लगाइएको छ ।

रावललाई पार्टीको सम्पत्ति हिनामिना गर्ने काममा प्रत्यक्ष संलग्न भई कार्यकर्ताको दुःःखले जम्मा गरेको रकम दुरुपयोग गर्न-गराउन प्रत्यक्ष भूमिका के कति कारणले खेलेको भनी प्रश्न गरिएको छ ।

रावलमाथि नेकपा विभाजनको बेला सुदूरपश्चिम कमिटीको वैंक खातामा रहेको ३० लाख रुपैयाँ निकालेको आरोप अध्यक्ष कर्णवहादुर थापाले लगाएका छन् । रावलले भने सो रकम दुरुपयोगन हुन नदिन प्रदेशका आर्थिक कारोवार गर्ने पदाधिकारीले अर्को वैंकमा सारेको बताएका छन् ।

रावलमाथि आफ्नो पार्टी अध्यक्षको सरकारलाई बदनाम गराउन सडक, सदन र मिडियामा लगातार झुट प्रचार गरेको र अविश्वास प्रस्ताव दर्ता गराउन अगुवाई गरेको विषयमा पनि स्पष्टीकरण मागिएको छ ।

रावल निकट स्रोतका अनुसार उनले स्पष्टीकरणपत्र औपचारिक रुपमा बुझेका छैनन् । घरको बाहिर लेटर बक्समा उनको स्पष्टीकरणपत्र राखिएको थियो ।

रावललाई सोधिएको स्पष्टीकरण यस्तो छ ।