अमेरिकाको कोलोराडोमा गोलीकाण्ड : १० जनाको मृत्यु

कोलोराडो । अमेरिकामा भएको पछिल्लोपटक भएको गोलीकाण्डको घटनामा थप १० जनाको मृत्यु भएको छ । सोमबार दिउँसो कोलोराडो राज्यको बोल्डरमा उक्त घटना भएको सीएनएनले जनाएको छ ।

गोलीकाण्डमा सहभागि एक संदिग्ध आरोपीलाई प्रहरीले पक्राउ गरेको छ । गतसाता ८ जनाको ज्यान जाने गरि एटलान्टामा भएको घटनापछि यो अर्को हिंसात्मक आक्रमण हो ।

अधिकारीहरुले पक्राउ गरिएका व्यक्तिबारे थप खुलाएका छैनन् र, उनको उद्देश्यबारे पनि केही बताइएको छैन । उक्त गोलीबारीमा प्रहरी अधिकृत एरिक टेलीको पनि मृत्यु भएको छ ।

प्रहरीले संदिग्ध आक्रमणकारीलाई सुपरमार्केटबाट हत्कडी लगाएर बाहिर निकालेको थियो । भिडियोमा उनको खुट्टाबाट रगत बगेको देखिन्छ । पछिल्लो समय अमेरिकामा गोलीकाण्ड र एसियाली मूलका अमेरिकीमाथि आक्रमणका घटना बढिरहेका छन् ।