प्रहरीको गोलीबाट घाइते दुईजनालाई काठमाडौं पठाइयो
नेपाल प्रेस
२०७७ चैत १० गते १५:१६
कैलाली । बसको ठक्करबाट पैदलयात्रीको मृत्यु भएपछि तनावग्रस्त बनेको लम्कीमा प्रहरीको गोली लागेर घाइते भएका दुई युवालाई थप उपचारका लागि काठमाडौं पठाइएको छ ।
२५ वर्षीय कृष्ण प्याकुरेल र १८ वर्षीय दीपक सन्जेललाई हेलिकप्टरबाट काठमाडौं लगिएको कैलाली प्रहरीले बताएको छ । आक्रोशित प्रदर्शनकारीलाई तितरबितर पार्न प्रहरीले हवाई फायर र अश्रु ग्यास प्रहार गरेको थियो ।
मंगलबार बिहानै पूर्वपश्चिम राजमार्गअन्तर्गत लम्की चोकस्थित टीकापुरतर्फ जाँदै गरेको ना. ६ ख ८८३३ नम्बरको बसको ठक्करबाट पैदल यात्री लम्कीचुहा नगरपालिका-१ की २२ वर्षीया कमला देवकोटाको मृत्यु भएको थियो ।
नेपाल प्रेस
प्रकाशित: २०७७ चैत १० गते १५:१६
प्रतिक्रिया
सम्बन्धित खवर
