अर्घाखाँची सिमेन्टका सञ्चालक अग्रवाल एमालेमा प्रवेश
नेपाल प्रेस
२०७७ चैत १० गते १६:३२
काठमाडौं । उद्योगपति राजेशकुमार अग्रवाल नेकपा एमालेमा प्रवेश गरेका छन् ।
प्रधानमन्त्री निवास बालुवाटारमा एक कार्यक्रमका बीच प्रधानमन्त्री एवं पार्टी अध्यक्ष केपी शर्मा ओलीले अग्रवाललाई स्वागत गरेका छन् । ओलीले अग्रवालबाट पार्टीमा राम्रो भूमिका निर्वाह हुने विश्वास पनि व्यक्त गरे ।
उद्योग वाणिज्य महासंघका केन्द्रीय सदस्यसमेत रहेका भैरहवा निवासी ४९ वर्षीय अग्रवाल अर्घाखाँची सिमेन्ट र श्री स्टिल प्रालिको महाप्रबन्धक हुन् ।
‘प्रधानमन्त्रीले विकास र समृद्धिका लागि मुलुकलाई नेतृत्व दिइरहनुएको छ । उहाँको कदममा हामी उद्योग व्यवसायीले पनि साथ दिनुपर्छ भन्ने लागेर पार्टीमा प्रवेश गरेको हुँ’, अग्रवालले भने ।
नेपाल प्रेस
प्रकाशित: २०७७ चैत १० गते १६:३२
प्रतिक्रिया
सम्बन्धित खवर
