बुहारीलाई आगो लगाएर फरार रहेका व्यक्ति सात वर्षपछि पक्राउ

काठमाडौं । आफ्नै २३ वर्षका बुहारीलाई मट्टीतेल छर्केर आगो लगाई फरार रहेका नरैनापुर गाउँपालिका दुइका ७५ वर्षका हनिफ शेष ढपाली ७ वर्षपछि पक्राउ परेका छन् । दाईजोको निहुँमा २०७० चैत २ गते बुहारीलाई मट्टीतेल छर्की आगो लगाई ज्यान मार्ने उद्योग गरेको मुद्दामा फरार रहेका उनलाई इलाका प्रहरी कार्यालय भगवानपुर बाँकेबाट खटिएको प्रहरी टोलीले सोमबार पक्राउ गरेको हो ।

नरैनापुर गाउँपालिका १ कै सुईयामा लुकिछिपी बसेको अवस्थामा उनी फक्राउ परेका हुन् । हाल फरार रहेका पीडितका श्रीमान र सासुको खोजी कार्य जारी रहेको र यस सम्बन्धमा थप अनुसन्धान भइरहेको जिल्ला प्रहरी कर्यालय बाँकेले जनाएको छ ।