कोरोनाको दोस्रो लहरको त्रासमा रोकियो ‘लप्पन छप्पन २’ रिलिज

काठमाडौं । स्वास्थ्य मन्त्रालयले गतसाता कोभिडको जोखिम कायमै रहेकाले भीडभाडजन्य बैठक, जुलुस, कार्यक्रम र व्यापार नगर्न भन्यो ।

छिमेकी मुलुक भारतमा दोस्रो लहर सुरु भएकाले नेपालमा जोखिम बढेको भन्दै मन्त्रालयले उक्त आग्रह गरेको थियो । केही दिनयता नेपालमा भाइरस संकट पुनः बढेको छ ।

दोस्रो वेभ आउन सक्ने चेतावनीको सीधा असर पुनः नेपाली फिल्म क्षेत्रमा देखिएको छ । चैत २७ गते रिलिज हुने तयारीमा रहेको मुकुन्द भट्ट निर्देशित फिल्म ‘लप्पन छप्पन २’को विश्वव्यापी प्रदर्शन पुनः रोकिएको छ ।

नेपाल प्रेससँग कुरा गर्दै निर्देशक भट्टले पूर्वनिर्धारित मितिमा फिल्म रिलिज नहुने बताए । यो प्रतीक्षित फिल्ममा सौगात मल्लको मुख्य भूमिका छ । उक्त मितिमा यो फिल्म नेपालसहितका अन्य मुलुकमा रिलिज हुने तयारी थियो ।