नविल बैंकले ल्यायो ‘युएस डलर नविल आइकार्ड’

काठमाडौं । चैत ८ गते नेपाल राष्ट्र बैंकले बिदेशबाट बर्षको अधिकतम पाँच सय डलरसम्मको बस्तु तथा सेवा खरिद गर्न सक्ने व्यवस्था सहितको परिपत्र जारी गरेको थियो । नेपालका बैंक तथा वित्तीय संस्थाले उक्त परिपत्र कार्यान्वयनमा ल्याउन थालेका छन् ।

नेपालको पहिलो नीजि क्षेत्रको बैंक नविल बैंकले युएस डलर नविल आइ कार्ड ल्याएको छ । बर्षमा पाँच सय डलरसम्मको बिदेशी बस्तु अनलाइन मार्फत सामान खरिद गरी त्यसको भुक्तानी उक्त कार्ड मार्फत गर्न सकिने नविल बैंकले जनाएको छ ।

परिवर्त्य बिदेशी मुद्राको प्रीपेड कार्ड लिन चाहाने ब्यक्ती, फर्म ,कम्पनी वा संस्थाले नेपाली मुद्रालाई बिदेशी मुद्रामा परिवर्तन गरी त्यो कार्ड लिन सक्ने छन् । यस्तो कार्ड प्राप्त गर्नका लागि सम्वन्धित प्रयोगकर्ताले आफ्नो केवाई सी ‘ग्राहक पहिचान बिवरण ’ आवधिक गर्ने र स्थायीलेखा नम्बर प्यान अनिवार्य रुपमा लिएको हुनुपर्ने छ ।