फोक्सुण्डोमा सुहाना-अनमोल रोमान्स, ‘ए मेरो हजुर-४’ टाइटल गीत छायांकन

काठमाडौं । फिल्म ‘ए मेरो हजुर ४’को छायांकन अन्तिम चरणमा पुगेको छ । दुई साताभित्र झरना थापा निर्देशित फिल्मको सुटिङ सकिने तयारीमा छ ।

फिल्मको शीर्ष गीतको छायांकन डोल्पास्थित फोक्सुण्डो तालमा गरिएको छ । समुन्द्री सतहबाट ३,६११ मिटर उचाइमा रहेको पर्यटकीय थलो फोक्सुण्डोमा दस दिन लगाएर गीत खिचियो ।

गीत छायांकन सेटबाट अनमोल केसी र सुहाना थापासहित क्रिउका तस्विर सार्वजनिक भएका छन् । उनीहरुको यो अनस्क्रिन जोडीले तेस्रो सिक्वेलमा पनि चर्चा बटुलेको थियो ।

आगामी भदौ १८ गते फिल्म रिलिजको तयारी गरिएको छ ।