रेशम चौधरी रिहाइका लागि गरिएको धर्नामा गृहमन्त्री पुगेपछि…
नेपाल प्रेस
२०७७ चैत १२ गते १६:१२
काठमाडौं । टीकापुर घटनामा दोषी ठहर भई गारागार चलान भएका रेशम चौधरीको रिहाइको माग गर्दै दिइएको धर्नामा गृहमन्त्री रामबहादुर थापा पनि पुगेका छन् ।
नयाँ सत्ता समीकरणका लागि चौधरीको रिहाइलाई जसपाले सर्त बनाइरहेका बेला माइतीघर मण्डलामा दैनिक एक घण्टा धर्ना भइरहेको छ ।
धर्नास्थल पुगेका थापाले केही बेर थारु अगुवाहरूको मागबारे जिज्ञासा राखेर फर्किएको बताइएको छ ।
२०७२ मा कैलालीको टीकापुरमा एक नाबालकसहित ७ प्रहरीको हत्या भएको थियो । चौधरीलाई उक्त घटनाको दोषी ठहर्याएको थियो ।
थारु समुदायका अगुवाले यसलाई पहिचानको आन्दोलनसँग जोड्ने गरेका छन् ।
नेपाल प्रेस
प्रकाशित: २०७७ चैत १२ गते १६:१२
प्रतिक्रिया
सम्बन्धित खवर
