महामारीबाट थलिएको अर्थतन्त्र गतिशील बनाउने गरी बजेट ल्याउँछौं : अर्थमन्त्री

काठमाडौं । अर्थमन्त्री विष्णुप्रसाद पौडेलले  बजेट निर्माणको काममा अर्थमन्त्रालय तीब्र गतिमा लागेको बताएका छन् । बजेटको सिद्धान्त र प्राथमिकताको निर्माणको काम अन्तिम चरणमा पुगेको पौडेलको भनाइ छ ।

अर्थमन्त्री पौडेलले आर्थिक बर्ष २०७८/७९ को बजेट कोभिडबाट अर्थतन्त्रमा पारेको प्रभाव कम गर्ने , रोजगारी सृजना गर्ने र नेपाली अर्थतन्त्रलाई पुरानै अवस्थामा फर्काएर गतिशील बनाउनका लागि आगामी बजेट केन्द्रित हुने जानकारी दिए ।

आगामी बजेटमा राष्ट्रिय प्राथमिकता निर्धारण र बजेट कार्यान्वयनको सुनिश्चिततालाई उच्च प्राथमिकतामा राख्ने बताएका छन् ।

‘हाम्रो प्राथमिकता के हो त्यो कुरामा हामी बढी होसियार हुन्छौ र बजेट सार्वजनिक गरेरमात्रै हुँदैन त्यसको कार्यान्वयनको सुनिश्चिता महत्वपूर्ण विषय हो, हामीले बजेटमा यिनै कुरालाई प्राथमिकतामा राखेका छौं,’ पौडेलले भने ।