संसदीय दल बैठकमा पार्टी एकताको वकालत गरेर बाहिरिए झलनाथ

काठमाडौं । संसदीय दलको बैठकमा सहभागी हुन पुगेका वरिष्ठ नेता झलनाथ खनाल बालुवाटारबाट बाहिरिएका छन् ।

माधव पक्षधरका सांसदहरूको नेतृत्व गर्दै बैठकमा उपस्थित भएका नेता खनालले आफ्नो कुरा राखेर बैठक जारी रहँदै गर्दा बाहिरिएका हुन् ।

उनले पार्टी एकता जोगाउन एमालेलाई २०७५ जेठ २ कै अवस्थामा फर्काउनुपर्ने बताएका छन् ।

‘पार्टी पुन:स्थापना गर्ने सर्वोच्चको फैसलापछि गरिएका निर्णय नमान्ने भन्दै एमालेको पहिलै रहेको संरचनालाई कायम राखेर एकता जोगाउनु पर्ने अडान राख्नुभयो’, खनालको भनाइ उद्धृत गर्दै सांसद जीवनराम श्रेष्ठले नेपाल प्रेससँग भने ।

बैठकमा माधवकुमार नेपाल र भीम रावल भने उपस्थित छैनन्।