जनस्वास्थ्यविद भन्छन्ः प्रदुषणले बच्चा र ज्येष्ठ नागरिक जोखिममा

काठमाडौं । देशका विभिन्न स्थानमा लागेको डढेलोका कारण काठमाडौंको वायू प्रदुषण उच्च तहमा पुगेको छ । यो अवस्थामा खासगरि बालबच्चा र वृद्धवृद्धाहरुले उच्च सतर्कता अपनाउनुपर्ने विज्ञहरुले बताएका छन् ।

जनस्वास्थ्यविद डा. समिरमणी दिक्षितले डढेलोबाट निस्केको धुवा वायूमण्डलमा फैलिएका कारण त्यसले आँखा पोल्ने समस्या सुरु भएको बताए । अहिलेको वायूप्रदुषणबाट जोगिनका निम्ति मास्क अनिवार्य लगाउनुपर्ने उनको सुझाव छ ।

डा. दिक्षितले नेपाल प्रेससँग भने, ‘यस्तो बेला विशेषतः आँखालाई बचाउनुपर्छ । सकेसम्म घरबाहिर ननिस्किने र निस्कनैपर्यो भने अनिवार्य मास्क लगाउने ।’ उनले केही दिन मर्निङ वाक नगर्न र खुल्ला स्थानमा व्यायाम पनि नगर्न सुझाव दिएका