म्यानमारमा आज एकैदिन मारिनेको संख्या १९ पुग्यो

याङ्गुन । सेनाविरुद्धको प्रदर्शनमा म्यानमारमा आज एकैदिन मारिनेको संख्या १९ पुगेको छ । समाचार संस्था एएफपीका अनुसार सेनाको गोलीले प्रदर्शनकारी मारिएका हुन् ।

गत फेब्रुअरी १ मा सेनाले सत्ता आफ्नो हातमा लिए यता ३०० भन्दा बढीको मृत्यु भएको राष्ट्रसंघले जनाएको छ । शनिबार विहान मारिने प्रदर्शनकारीको टाउको र ढाडमा गोली हानिएको जनाइएको छ ।

थुनामा राखिएकी लोकतन्त्रवादी नेतृ आङ साङ सू चीको रिहाइ माग गर्दै प्रदर्शनकारी सेनाविरुद्ध सडकमा छन् । सेनाविरुद्ध अहिले राष्ट्रसंघसहित अन्तर्राष्ट्रिय समुदायले दबाब दिइरहेका छन् ।