प्रदेश १ सभाको बैठक बोलाइयो

विराटनगर । पटक-पटक स्थगित हुँदै आएको प्रदेश १ सभाको बैठक चैत २३ गतेको लागि तय गरिएको छ ।

आइतबार सूचना जारी गर्दै प्रदेशसभा सचिवालयले दिउँसो २ बजेका लागि बैठक डाकेको हो ।

पछिल्लोपटक फागुन ९ मा प्रदेशसभाको बैठक बसेको थियो । त्यसपछि बोलाइएको फागुन २० र चैत २ गतेको बैठक विशेष कारण देखाउँदै स्थगित गरिएको थियो ।

मुख्यमन्त्री धेरधन राईविरुद्धको अविश्वास प्रस्ताव प्रदेशसभामा टेबुल भएको छ । गएको बुधवार एमाले प्रदेश १ को संसदीय दलको बैठकमा दलका नेता एवं मुख्यमन्त्री शेरधन राईले अविश्वास प्रस्तावमा तत्कालीन प्रचण्ड-माधव पक्षबाट हस्ताक्षर गरेका एमाले सांसदलाई एक साताभित्र हस्ताक्षर फिर्ता लिन निर्देशन दिइसकेका छन् ।

सो बैठकमा माधव पक्षका केही सांसद उपस्थित भएर अविश्वास प्रस्तावबाट हस्ताक्षर फिर्ता लिने जानकारी गराएका थिए ।