नेपाली सेनालाई भारतीय सेनाद्वारा १ लाख डोज खोप प्रदान

काठमाडौं । नेपाली सेनाले कोभिड–१९ विरुद्ध १ लाख डोज कोभिसिल्ड खोप प्राप्त गरेको छ । प्रवक्ता सन्तोष वल्लभ पौडेलका अनुसार भारतीय सेनाले उक्त मात्राको खोप प्रदान गरेको हो ।

सिरम इन्स्टिच्युटले उत्पादन गरेको र अक्सफोड-अस्ट्राजेनेकाले विकास गरेको उक्त खोप काठमाडौं आइपुगेको हो ।

एयर इन्डियाबाट ल्याएइको उक्त खोपलाई आइतबार बेलुका भारतीय सेनाका अधिकारीहरुले नेपाली सैनिक प्रतिनिधिलाई हस्तान्तरण गरे । औपचारिक हस्तान्तरण भने हुन बाँकी छ ।

ल्याइएको उक्त खोप नेपाली सैनिकको लागि नै प्रयोगमा ल्याइने तयारी भैरहेको छ ।