काठमाडौं । नेपालले ३७ वर्ष लामो खडेरी तोड्दै आज घरेलु मैदानमा फुटबलको उपाधि उचाल्यो । यो क्षण आफैंमा विशेष थियो, नेपाली फुटबल फ्यानहरुका लागि । नेपाली टिमलाई साथ दिन महंगो टिकट काटेर उल्लेख्य सख्यामा दर्शक उपस्थित भएका थिए । समर्थकहरुकै बीचमा थिए प्रधानमन्त्री केपी ओली । उनी त्यहाँ आफ्नो उपस्थित जनाउन मात्र होइन, खेल हेर्नलाई नै आएका थिए ।

उनी सुरुदेखि अन्त्यसम्म रंगशालामा बसेर खेलाडीलाई हौसला दिए । नेपाली टोलीले पनि निराश बनाएन । यस प्रतियोगिताका दुई खेलमा गोलको खाता खोल्न नसकेको नेपालले फाइनलमा दुई गोल गर्यो । बंगलादेशले उत्तराद्र्धमा एक गोल फर्काए पनि नेपालको जित रोक्न सकेन । नेपालले गोल गर्दा दर्शकदर्घामा ठूलै रौनक छाएको थियो । प्रधानमन्त्रीले उठेर ताली बजाएका थिए । खेलाडीहरुले पनि जमेर खुशी मनाए । जितपछिको माहोल झन् अविस्मरणीय थियो । आजको फाइनलका केही क्षणहरुलाई तस्वीरमा हेर्नुस