ओलीलाई घनश्यामको स्पष्टीकरण- क्रान्ति अघि बढ्छ, तपाईं दण्डित हुनुहुनेछ (पूर्णपाठसहित)

काठमाडौं । नेकपा एमालेका नेता घनश्याम भुसालले दोस्रो पटकको ताकेतापछि पार्टीमा स्पष्टीकरण बुझाएका छन् ।

भुसालले आफूमाथि लगाइएका सबै आरोपहरु अश्वीकार गर्दै पार्टी एकता जोगाउन अन्तिमपटक अध्यक्ष केपी शर्मा ओलीलाई आग्रह गरेका छन् ।

लामो स्पष्टीकरणमा उनले माधव नेपाल र भीम रावलको भन्दा फरक ढंगले आफ्ना कुरा राखेका छन् । भुसालले ओलीमा गम्भीर विचलन आएको र एमालेलाई विभाजन गर्न उद्धत रहेको आरोप लगाएका छन् ।

भुसालले एमालेलाई अगाडि बढ्न नदिन ओली अग्रसर भएको भन्दै पार्टीलाई बन्धक बनाएर ओलीले सत्ता र शक्तिको भोग गरेको आरोप लगाएका छन् ।

भुसालले भनेका छन्, ‘मेरो लाख-लाख अनुरोध छ, कमरेड यस पार्टीलाई अगाडि बढ्न दिनुस् । अझै पनि व्यक्तिवादको घोर नशाबाट ब्युँझनुस् । क्रान्ति त अघि बढ्छ, बढ्छ । आज, भोलि वा पर्सी तपाईं दण्डित हुनु हुनेछ । आगे तपाईंकै इच्छा ।’

यस्तो छ घनश्याम भुसालको स्पष्टीकरण :-