भारतीय समकक्षीसँग प्रधानसेनापतिको संवाद, खोपको लागि नरवाणेलाई धन्यवाद

काठमाडौं । भारतीय राजदूत विनयमोहन क्वात्राले नेपाली सेनालाई १ लाख डोज खोप हस्तान्तरण गरेका छन् ।

राजधानीमा मंगलबार आयोजित समारोहमा राजदूत क्वात्राले भारतीय सेनाले प्रदान गरेको कोभिसिल्ड खोप प्रधान सेनापति पूर्णचन्द्र थापालाई प्रदान गरे ।

भारतीय सेनापति मनोजमुकुन्द नरवाणेले भर्चुअल माध्यममार्फत नेपाली समकक्षीसँग पनि छलफल गरेका थिए । थापाले खोपका लागि नरवाणेलाई धन्यवाद दिए ।

नेपाली सेनाले प्राप्त गरेको उक्त खोप सेनाकै लागि प्रयोगमा ल्याइने भएको छ ।