सत्यमोहन जोशीको नाममा विद्यालय स्थापना गर्ने सरकारको तयारी

ललितपुर । सरकारले संस्कृतिविद सत्यमोहन जोशीको नाममा विद्यालय स्थापना गर्ने भएको छ ।

राष्ट्रपति विद्यादेवी भण्डारीले नेपालको जिवीत इतिहास बोकेका संस्कृतिविद जोशीको नाममा विद्यालय स्थापना गर्ने चाहाना व्यक्त गरेपछि सो सन्देश दिन शिक्षा, विज्ञान तथा प्रविधि मन्त्री कृष्णगोपाल श्रेष्ठ जोशी निवास पुगेका छन्  ।

मन्त्री श्रेष्ठले संस्कृतिविद् जोशीको नाममा सामुदायीक विद्यालय खोल्ने तयारी थाल्न र उनले चाहेकै स्थानमा विद्यालय स्थापना गर्न सरकारले पहल थाल्ने बताएका छन् ।

‘राष्ट्रपति ज्युले संस्कृतिविद जोशीको स्वाथ्य अवस्थाबारे जानकारी लिन र उहाको नाममा विद्यालय स्थापना गर्न चाहना व्यक्त गरेपछि राष्ट्रपतिको सन्देश लिएर म नेपालका जिवीत इतिहार बोकेका संस्कृविद जोशीको निवासमा आएको हुँ,’जोशीको निवासका आयोजित कार्यक्रममा मन्त्री श्रेष्ठले भने।

उनको नाममा खुल्ने विद्यालय नेपालकै नमुनाको हुनेछ, यस्ले उत्कृष्ठ सामुदायीक विद्यालयको सूचीमा पर्नेछ,’मन्त्री श्रेष्ठले थपे । ललितपुर महानगरपालिकाका मेयर चिरिवावु महर्जन र एमाले ललितपुर पार्टी अध्यक्ष हरीकृष्ण ब्यञ्जनकार सहित संस्कृतिविद जोशी निवास पुगेका मन्त्री श्रेष्ठले उनको स्वाथ्य अवस्थाबारे जानकारी लिएका छन्।

संस्कृतिविद जोशीले मुलुकलाई दिनुपर्ने सबै कुरा दिइसकेको छ। अब सरकारले उनको नाम अनन्तकालसम्म रहनेगरी विद्याकुञ्ज अर्थात विद्यालय निर्माण गर्ने मन्त्री श्रेष्ठको भनाई छ । उनले प्रधानमन्त्री केपी शर्मा ओलीले समेत जोशीको स्वाथ्य अवस्थाबारे जानकारी लिन आग्रह गरेको बताए ।

आफ्नो निवास पुगेका मन्त्री श्रेष्ठ सहितको टोलीलाई अभिवादन गरेर स्वागत गर्दै १ सय १ वर्ष पुरा गरेका संस्कृतिविद जोशीले आफु स्वाथ्य भएको प्रतिक्रिया दिएका छन् ।

राष्ट्रप्रमुख एवं राष्ट्रपति विद्यादेवी भण्डारी र सरकार प्रमुख एवं प्रधनमन्त्री केपी ओलीको सन्देश लिएर आफ्नो निवासमा आउनु गौरब महशुस भएको प्रतिक्रिया दिदै संस्कृतिविद जोशीले भने,‘अहिलेसम्म मलाई सरकारले सबै सहयोग गरिसकेको छ ,मेरो नाममा विद्यालय खोल्ने तयारी गर्नु समस्त संस्कृतिविद्, इतिहासविद् र साहित्यकारको सम्मान भएको महसुस गरेको छु ।’

‘मेरो विषयमा राष्ट्रपति ज्युले सोधनी गर्नु अत्यन्तै खुसीको विषय हो, शिक्षामन्त्री लाई देखाउदै देशको शिक्षामन्त्री समेत आएर मेरो स्वाथ्य अवस्था बुझ्ने र मेरो नाममा विद्यालय खोल्ने घोषणा गर्नु महत्वपुर्ण विषय हो यस्ले गर्दा मलाई अति गौरब महसुस भएको छ ’जोशीले भने ।

उनले तस्बीर अंकित हुलाक टिकटमा राष्ट्रपतिले टाचा लगाउनुमा कुनै गुनासो समेत नभएको बताए । उनले शिक्षामन्त्रीसँग भने,‘सरकारसंग मेरो कुनै गुनासो छैन, मेरो तस्बीर अंकित हुलाक टिकटमा राष्ट्रपति ज्युले प्रथम टाचा लगाउनु गौरबको विषय हो, ललितपुर महानगरपालिकाको संयोजनमा मेरो तस्बीर अंकित सिक्का बजारमा ल्याउनु महत्वपुर्ण विषय हो । अब मेरो नाममा विद्यालय खोल्ने राष्ट्रपति स्वयंले राख्नु शौभाग्यको विषय हो ।’

आउदो बैशाख ३० गते १ सय २ वर्ष वर्ष पुरा गर्नुहुने संस्कृतिविद जोशी जिवीत अवस्थामै उहाको नाममा विद्यालय स्थापना गर्ने तयारी शुरु गरेको छ ।

आगामी आबमा बजेट व्यवस्था गरी विद्यालय स्थापना गर्ने तयारी गरेको जानकारी गराउदै मन्त्री श्रेष्ठले भने,‘उहाँको नाममा खुल्ने विद्यालयको नाम सत्यमोहन जोशी माध्यमिक विद्यालय हुनेछ । मुल ढोकामा उहाको पुर्णकदको प्रतिमा रहनेछ । सुन्दर बगैचाको बिचमा बन्ने विद्यालय दरबार हाइस्कुल जस्तै भब्य हुनेछ । ’

मन्त्री श्रेष्ठले त्यसो भनिरहदा सञ्चारकर्मीले जोशीलार्इ सोधे –कहाँ विद्यालय स्थापना गर्दा राम्रो हुन्छ त ? लगत्तै संस्कृतिविद जोशीले भने–यही स्थानमा स्थापना गर्नुपर्छ भन्ने छैन जहाँ आवश्यकता परेको छ त्यही स्थानमा बनाउनुस । जुन जिल्लाका विद्यार्थीले पढ्न पाएका छैनन त्यो स्थानमा स्थापना गर्नुस ।’

लगत्तै मन्त्री श्रेष्ठले यस विषयमा मन्त्रालयले प्रकृया पुरा गर्ने प्रतिबद्धता ब्यक्त गरे। भने,‘तपाई जिवीत भएकै अवस्थामा मुलुकले सत्यमोहन जोशी माध्यमिक विद्यालय पाउनेछ, यो विद्यालय देशकै नमुनाको हुनेछ ।’ भेटका क्रममा ललितपुर महानगरपालिकाका मेयर महर्जनले राष्ट्रपतिको चाहनाको प्रशंसा गर्दै यस्ले ललितपुर महानगर र ललितपुरवासीले गौरब महसुस गरेको बताए।

मुलुककै गहना संस्कृतिविद जोशीको चाहना पुरा गर्न महानगरले कुनै कसर बाकी नराख्ने उनले प्रतिबद्धता जनाए । सो अवसरमा एमाले ललितपुर अध्यक्ष ब्यञ्जनकारले संस्कृतिविद जोशीको नाममा विद्यालय स्थापना गर्न सम्पुर्ण सहयोग गर्ने बताए ।