जमुनाहा नाकाबाट दैनिक हजार नागरिक भित्रिदै, कोरोना संक्रमणको उच्च जोखिममा बाँके

सुर्खेत। कर्णाली प्रदेशको मुख्य प्रवेशद्धार मानिने बाँकेको जमुनाहा नाकाबाट नेपाल दैनिक रुपमा एक हजार भन्दा बढि नागरिक नेपाल फर्किन शुरु भएको जिल्ला प्रशासन कार्यालय बाँकेले जनाएको छ ।

भारतबाट फर्किएका तीन जनामा कोरोना पुष्टि भएसँग कोरोना संक्रमणको उच्च जोखिममा बाँके परेको हो । प्रमुख जिल्ला अधिकारी रामबहादुर कुरुम्वाङका अनुसार कोरोना देखिएका तिनै जनालाई आइसोलेसनमा राखिएको छ ।

‘यहाँ अहिले दैनिक रुपमा एक हजार भदा बढि नेपालीहरु स्वदेश फिर्ता भइरहेका छन् । हाललाई नाकामा हेल्थ डेस्क सञ्चालन गरिरहेका छौं । त्यहाँ एन्टिजोन विधीबाट कोरोना संक्रमण छ छैन भनेर हेर्दै आइरहेका छौं । हालसम्म तीन जनामा कोरोा पुष्टि भइसकेको छ ।’

उनले नेपालप्रेससँग भने, ‘आज कोरोना पुष्टि भएका १८ जना भारतबाट आएका नागरिक होइनन् । उहाँहरु भेरी अस्पताल, मेडिकल अस्पतालमा उपचार गर्न आएकाहरु हुन । अहिले जमुनाहा नाकामा हामीले थोरै कडाई गर्न थालेका छौं । भारतबाट आउनेहरुलाई निर्वाध रुपमा प्रवेश गर्न दिइरहेका छौं ।’

उनले भारतका कारण कोरोना संक्रमणको उच्च जोखिममा बाँके रहेको बताउँदै सकेसम्म कोरोना संक्रमण फैलिन नदिन सचेतता अपनाइरहेको बताए ।

‘कोरोना संक्रमण भएदेखि नै अहिलेसम्म आधिकारीक रुपमा नकाका खुला भएको छैन । यहाँका अधिकांश नागरिक रोजगारीका लागि भारत जाने गरेका कारण व्यावहारिक रुपमा नाकामा आवतजावत भइरहेको थियो ।’

सिडिओ कुरुम्वाङले थपे, ‘अब भारतमा फैलिएको कोरोनाको उच्च जोखिममा बाँके रहेका कारण थोरे कडाई गर्छौं ।’ उनले कोरोना संक्रमण बढदै गएको खण्डमा लकडाउन गर्नुपर्ने अवस्था आउनसक्ने बताए ।

‘अहिलेनै त्यस्तो भयावह अवस्था आएको छैन । भविष्यमा कोरोना संक्रमण तीव्र भएको खण्डमा लकडाउन गर्न पनि पर्न सक्छ ।’ उनी भन्छन्, ‘अहिले सीमा क्षेत्रमा क्वारेन्टाईन निर्माण गर्ने कार्य भएको छैन । अवस्था हेरेर आवश्यक निर्णय लिन्छौं ।’ उनले भारतबाट आउने नागरिकलाई कम्तिमा न्यूनतम सुरक्षा सावधानी प्रयोग गरेर नेपाल प्रवेश गर्न आव्हान गरे ।