टीएमएसमा समस्या आएपछि कारोबार समय १ घण्टा थप

काठमाडौं । बुधबार दिउँसो नेप्सेको अनलाइन प्रणाली टीएमएसमा समस्या देखिएपछि आज कारोबार समय १ घण्टा थपिएको छ ।

नेप्सेका प्रमुख कार्यकारी अधिकृत चन्द्रसिंह साउदले कारोबार समय ४ बजेसम्म पुर्‍याइएको नेपाल प्रेसलाई बताए । ‘टीएमएसमा प्राविधिक समस्या आएर कारोबार प्रभावित भएकाले हामीले कारोबारको अवधि १ घण्टाका लागि थप गरेका छौ’, उनले भने ।

नियमित कारोबारको समय ११ देखी ३ बजेसम्म भएपनि आज नेप्सेको अनलाइन प्रणालीमा आएको समस्याका कारण ४ बजेसम्म सेयर कारोबार हुने नेप्सेले जनाएको छ ।