कोरोना त्रासले ‘कृष्णलीला’ पनि पोस्टपोन्ड, नयाँवर्षको लाइनअप रित्तो

काठमाडौं । कोरोनाभाइरस संक्रमणको जोखिमको कारण फिल्म ‘कृष्णलीला’को प्रदर्शन अनिश्चितकालका लागि स्थगित भएको छ ।

नेपाल प्रेससँग कुरा गर्दै निर्देशक दीपक ओलीले चैत २७ गते फिल्म प्रदर्शन नहुने बताए । ‘भीडभाड नगर्नु भन्ने स्वास्थ्य मन्त्रालयको निर्देशनको कारण फिल्म रिलिज रोकेका हौं’ उनले भने ।

भाइरस संक्रमणको परिस्थिती साम्य भएपछि मात्र नयाँ रिलिज मिति घोषणा गरिने जानकारी उनले दिए । यसअघि चैत २७ गतेको मितिबाट फिल्म ‘लप्पन छप्पन २’ र ‘मनसँग मन’को रिलिज मिति पनि पोस्टपोन्ड भैसकेको छ ।

तीनवटै फिल्मको रिलिज मिति पोस्टपोन्ड भएपछि नयाँवर्षको लाइनअप रित्तो भएको छ । यी तीन फिल्म रोकिँदा नेपाली फिल्मलाई लयमा ल्याउने प्रयासमा ठूलो धक्का लागेको छ ।