भारतमा एकैदिनमा थपिए ७२ हजार कोरोना संक्रमित

दिल्ली । भारतमा बितेको २४ घन्टामा कोरोनाभाइरसका ७२ हजार ३३० संक्रमित भेटिएका छन् । एकैदिनमा भेटिएको यो सर्वाधिक संख्या भएको भारतको स्वास्थ्य मन्त्रालयले जनाएको छ ।

भारतको कूल संक्रमित संख्या १ करोड २२ लाख २१ हजार ६६५ पुगेको छ । अक्टोबर ११, २०२० पछिको यो एकैदिनमा सर्वाधिक संक्रमण भएको जनाइएको छ ।

सो अवधीमा ४५९ जनाको मृत्यु भएको छ । १ लाख ६२ हजार भन्दा बढीको मृत्यु भएको छ । महाराष्ट्रमा मात्र ३९ हजार भन्दा बढी संक्रमित भेटिएका छन् ।