पछिल्लो २४ घण्टामा एक सय ५२ जनामा कोरोना संक्रमण पुष्टि

काठमाडौं । पछिल्लो २४ घण्टामा देशभर थप एक सय ५२ जनामा कोरोना भाइरसकाे  संक्रमण पुष्टि भएकाे छ । यस अवधिमा चार हजार दुइ सय १३ जनाको पिसिआर परीक्षण गर्दा एक सय ५२ जना नयाँ संक्रमित फेला परेका स्वास्थ्य तथा जनसंख्या मन्त्रालयले जनाएको हो । यसै अवधिमा ६५ जना कोरोनामुक्त भएको पनि मन्त्रालयको विवरणमा उल्लेख छ ।

पछिल्लो २४ घण्टाकै अवधिमा एक जनाको कोरोना संक्रमणपछि मृत्यु भएको छ । मन्त्रालयको विवरणअनुसार अहिले देशभर ६३ जना क्वारेन्टाइनमा रहेका छन्। यस्तै १ हजार ५ सय ७९ जना संक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ ।