माधव समूहको बैठक : सुरेन्द्र र घनश्याममाथिको कारबाहीको भर्त्सना

काठमाडौं । नेकपा एमालेको माधव नेपाल समूहको बैठकले पार्टीका नेताद्वय सुरेन्द्र पाण्डे र घनश्याम भुषालमाथि गरिएको कारबाहीको भर्त्सना गरेको छ । उक्त कारबाहीले नेपालको कम्युनिष्ट आन्दोलन नै लज्जित बनेको नेता भीम रावलले बताए ।

बैठकको बीचमा बाहिर निस्केर पत्रकारसँग छोटो कुरा गर्दै रावलले भने, ‘हामी सबैले कारबाहीको निन्दा गरेका छौं । यो तानाशाही, निरंकुश र स्वैच्छाचारी छ । कथित कारबाहीले पार्टीको सिद्धान्त, नीति र विधान मिचिएको छ । नेपालको कम्युनिष्ट आन्दोलन लज्जित भएको छ ।’

रावलले नेकपा एमालेको रक्षा र गतिशीलताका लागि पाइला चाल्ने विषयमा छलफल भइरहेको बताए । उनले महाधिवेसन आयोजक समिति गठन गरेर अध्यक्ष ओलीले आफैंलाई अवैध बनाएको दावी गरे ।