ताप्लेजुङबाट एमाले केन्द्रीय सदस्य तिलकुमारले छाडे माधव नेपालको साथ

ताप्लेजुङ । नेकपा एमालेमा माधव नेपाल पक्षले समानान्तर कमिटीहरुको अभ्यास गरिरहेका बेला नेपाल पक्षका केन्द्रीय सदस्य तथा पूर्व सांसद तिलकुमार मेन्याङ्वोले नेपालको साथ छाडेका छन् ।

गत चैत ४ र ५ गतेको माधव नेपाल पक्षको राष्ट्रिय भेलासम्म नेपाल पक्षमै रहेका मेन्याङ्वो प्रधानमन्त्री तथा अध्यक्ष ओलीसँग पनि संवादमा थिए । उनले शुक्रवार गृहजिल्ला ताप्लेजुङमा युवा संघको कार्यक्रममार्फत आफू माधव नेपालको पक्षमा नरहने घोषणा गरेका हुन् ।

महेश बस्नेत समेत उपस्थित युवा संघको कार्यक्रममा मेन्याङ्बोले आफू अब एमालेको विधान बमोजिम अघि बढ्ने र पार्टीको समानान्तर कमिटी निर्माण प्रक्रियामा विपक्षमा रहने घोषणा गरे ।

मेन्याङ्बाले भने–फागुन २३ गते सर्वोच्चको फैसलापछि नेकपा एमाले जिन्वाद भनेर पहिले पोष्ट गर्नेमध्य म हुँ । मैले भावनामा बगेर त्यसो गरेको थिइन । अब म नेकपा एमालेको बिधान अनुसार अघि बढ्छु र समानान्तर कमिटी गठन प्रक्रियाको विपक्षमा उभिनेछु ।

उनले एमालेभित्रको समस्या शीर्ष नेताहरुले आपसी संवादबाट हल गर्नुपर्ने भन्दै भाँचिनु भन्दा नुहिनु राम्रो हुने सुझाव दिए । उनले समानान्तर कमिटी गठन गर्ने कुरामा आफ्नो विमति रहेको र त्यो पार्टी विधान तथा अनुशासनको उल्लंघन भएकलो त्यसमा साथ दिन नसकेको बताए ।

ताप्लेजुङ माधव नेपाल पक्षको बलियो पकड भएको जिल्ला मानिन्छ । योगेश भट्टराई यहिँबाट निर्वाचित भएका छन् । तर पछिल्लो समय माओवादी केन्द्रका टंक आङ्बुहाङ,पासाङ शेर्पा एमालेको केन्द्रीय सदस्य भइसकेका छन् भने मेन्याङबोले पनि माधव नेपालको साथ छाडेका छन् ।

काठमाडौं । नेकपा एमालेको माधव नेपाल पक्ष सर्वोच्च अदालतको फागुन २३ को फैसला कार्यन्वयन नगरेको भन्दै अध्यक्ष केपी शर्मा ओलीविरुद्ध अवहेलना मुद्दा दायर लिएर फेरि सर्वोच्च जाने तयारीमा जुटेको छ ।

अदालतको फैसलाबाट एमाले ब्युँतिएपछि सबै संरचना २०७५ जेठ २ बाटमा फर्काउनुपर्ने विषयलाई माधव नेपाल पक्षले राजनीतिक र कानुनी लडाइको विषय बनाएको छ । कानुन व्यवसायी र निकट नेताहरुले पनि माधव नेपाललाई ओलीविरुद्ध अवहेलना मुद्दामा जान सुझाव दिएका छन् ।

अदालतको फैसलालाई ओलीले नमानी फागुन २८ गते एकपक्षीय बैठकका नाममा विधान नै संशोधन गरेको विषयलाई न्यायिक निरुपणमा लैजान नेपालमाथि दबाब बढेको छ । नेपाल निकट एक अधिवक्ताले आइतवार वा सोमवारसम्म अवहेलना मुद्दा दर्ता हुनसक्ने बताए ।

सो कार्यक्रममा युवा एमाले केन्द्रीय सदस्य निरु पाल,युवा संघका अध्यक्ष बचनवहादुर सिंह,बरिष्ठ उपाध्यक्ष किरण पौडेल,उपाध्यक्ष क्षितिज थेबे,महासचिव रमेश आचार्य,फुङलिङ नगरपालिकाका मेयर छत्रपति प्याकुरेल लगायतले सम्बोधन गरेका थिए ।