नेप्सेमा सामान्य अंकको वृद्धि, कारोबार रकम भने ७ अर्ब माथि

काठमाडौं । शेयर बजार परिसूचक नेप्से १.१३ अंकले बढ्दै २६५८.७४ अंकको अहिलेसम्म कै उच्च बिन्दुमा कारोबार बन्द भएको छ ।

२१२ कम्पनीको १ करोड ५८ लाख ५३ हजार ९९३ कित्ता शेयर किनबेचबाट ७ अर्ब २९ करोड रुपैयाँ बराबरको कारोबार भएको छ ।

त्यस्तै ‘क’ बर्ग कम्पनीहरुको कारोबार मापन गर्ने सेन्सेटिभ परिसूचक समेत १।०९ अंकले बढ्दै ४७१.८४ अंकको बिन्दुमा पुगेको छ ।

समूहगत परिसूचक तर्फ हेर्ने हो भने बैंकिङ , बिकास बैंक , वित्त कम्पनी , नीर्जीवन बीमा समूह , जीवन बीमा र लगानी समूहको कारोबारमा घटेको छ । १०६.६१ अंकको गिरावट आएको नीर्जीवन बीमा समूहमा सबैभन्दा बढी कारोबार भएको छ ।

त्यस्तै ब्यापार समूहका कम्पनीहरुको कारोबार सबैभन्दा बढी बृद्धि देखिएको छ । उक्त समूहको सुचाङ्क १३२.६५ अंकले बढेको छ भने होटल तथा पर्यटन समूहको सुचाङ्क ११४.८ अंकले बढ्दै दोस्रो स्थानमा रहेको छ ।

जलबिद्युत समूहको ४६.४९, उत्पादन समूहको २४.८, अन्य समूहको ३३.०२ , वित्त कम्पनीको ३४.६३ र सामूह लगानी कोषको ०.०५ अंकले बढेको छ ।

एनसनआइसी एसीया लघुवित्त कम्पनी , राधी विद्यूत कम्पनी , वोमी लघुवित्त वित्तीय संस्था र सानीमा जनेरल इन्स्योरेन्स कम्पनीको सेयर कारोबार सकारात्मक सर्किट नजिक रह्यो ।

त्यस्तै श्री इन्भेष्टमेन्ट फाइनान्स कम्पनीका लगानीकर्ताले सबैभन्दा धेरै ३.३६ प्रतिशतले गुमाएका छन् । ३४ करोड ७५ लाख कित्ता सेयर खरिदविक्री गरेको माथिल्लो तामाकोशी कारोबार रकमका आधारमा अग्रस्थानमा रहेको छ ।