नयाँ प्रकारको कोरोना भित्रिएसँगै सुदूरपश्चिममा पहिलोपल्ट संक्रमितको मृत्यु
नेपाल प्रेस
२०७७ चैत २५ गते ७:१०
फाइल तस्बिर ।
धनगढी । नयाँ प्रकारको कोरोना संक्रमणबाट कञ्चनपुरमा एक जनाको मृत्यु भएको छ ।
जिल्लाको भीमदत्त नगरपालिका–१५ का ४५ वर्षीय संक्रमित पुरुषको बुधवार बिहान मृत्यु भएको हो । उनको कञ्चनपुर स्थित महाकाली अस्पतालमा उपचार भइरहेको थियो ।
भारतको गुजरातबाटै कोरोना संक्रमित भएर आएका पुरुषको नेपालमा पनि कोरोना संक्रमण पुष्टि भएको थियो ।
२२ गते अस्पतालमा भर्ना भएका सङ्क्रमित पुरुषको उपचारको क्रममा बुधवार बिहान मृत्यु भएको महाकाली अस्पतालका व्यवस्थापक दीपेन्द्र रावलले जानकारी दिए ।
सुदूरपश्चिम प्रदेशमा नयाँ प्रकारको कोरोना संक्रमण भित्रिएपछि पहिलो पटक सङ्क्रमितको मृत्यु भएको हो । अहिले कैलाली र कञ्चनपुरमा सङ्क्रमितको सङ्ख्या बढिरहेको छ ।
नेपाल प्रेस
प्रकाशित: २०७७ चैत २५ गते ७:१०
प्रतिक्रिया
सम्बन्धित खवर
