संसदमा विमला विकको कविता–प्रधानमन्त्री अझै अर्को प्रतिगमन गरिदेऊ (भिडियो)

काठमाडौं । प्रतिनिधिसभाको बिहीबारको बैठकमा शून्य समयको तेस्रो वक्ता थिइन् एमाले सांसद विमल विश्वकर्मा । एक मिनेटभित्र आफ्ना कुरा राख्ने समय पाएकी उनले भाषण होइन कविता सुनाइन् ।

उनको कविता प्रधानमन्त्रीलाई अझै अर्को प्रतिगमन गर्न आग्रहले प्रेरित थियो । एक मिनेट सकिनासाथ उनको माइकको आवाज काटिदै गर्दा उनले अन्तिम हरफ सुनाउँदै थिइन्–सम्मानीय प्रधानमन्त्री अर्को एउटा अपराध र प्रतिगमन गरिदेऊ,लिम्पियाधुरामा २०७८ को जनगणना गरिदेऊ ।

सांसद विकको कविता यस्तो थियो:

वर्षौंपछि मेलम्चीको पानी काठमाडौं आए पनि
अतिक्रमित भू-भाग समेटी नक्सा ल्याए पनि
देशैभरि विकासका लहर छरे पनि
ऐतिहासिक सम्झौता र सन्धी गरे पनि
रेल,तेल,पुनर्निर्माण जे जे गरे पनि
केही देख्न नसक्ने दोषी चस्माधारी नजरलाई म के भनौं ?

राष्ट्र र जनभावनामाथि ठेस पुर्याउँदै कम्फरटेबल सरकार बनाउँछौ भन्नेहरुलाई म के भनौं ?
पद र प्रतिष्ठालाई प्राथमिकतामा राख्दै अपमान भयो भन्नेहरुलाई म के भनौं ?

राष्ट्रिय एकता र भौगोलिक अखण्डतालाई जोगाउँदै ताजा जनादेशमा जाँदा प्रतिगमन हुन्छ भने
म सम्माननीय प्रधानमन्त्रीलाई अर्को अपराध प्रतिगमन गर्न आग्रह गर्न चाहान्छु
लिम्पियुधारा, कालापानी नक्सामा मात्र होइन यथाशिघ्र फिर्ता ल्याई २०६८ सालको जनगणना गरिदेऊ