पारस खड्का र सन्दीप लामिछानेले लगाए चिनियाँ खोप

काठमाडौं । नेपाली राष्ट्रिय क्रिकेट टोलीका दुई सदस्य पारस खड्का र सन्दीप लामिछानेले कोभिड–१९ विरुद्धको चिनियाँ खोप लगाएका छन् ।

स्वास्थ्य मन्त्रालयका अनुसार उनीहरुसहित राष्ट्रिय क्रिकेट टोलीका अन्य सदस्यले पनि खोप लगाएका थिए । बुधबारदेखि चीनको सिनोफार्मले विकास गरेको भेरोसेल खोप लगाउन सुरु गरिएको छ ।

चीन अध्ययन गर्न जाने विद्यार्थी, व्यवसायी र अत्यावश्यक सेवामा खटिने अन्य कर्मचारीलाई लक्षित गर्दै चिनियाँ खोप लगाउन सुरु गरिएको हो ।