राष्ट्रपतिद्वारा वायुप्रदूषण न्यूनीकरणमा पहल गर्न आग्रह

काठमाडौं । राष्ट्रपति विद्यादेवी भण्डारीले मुलुकमा बढ्दो वायुप्रदूषणप्रति चिन्ता व्यक्त गर्दै प्रदूषण न्यूनीकरणका लागि पहल गर्न जनप्रतिनिधि, विज्ञ तथा प्रकृतिप्रेमीमा आग्रह गरेकी छिन् ।

जलवायु परिवर्तनका कारण हिउँदे वर्षा अनियमित भइरहेको परिवेशमा डढेलो‚औद्योगिक र सवारी साधनको धुवाँ‚धुलो आदिबाट देशैभर वायु प्रदुषण बढ्नु चिन्ताको विषय हो। डढेलो नियन्त्रण गर्दै वायु प्रदुषण न्यूनीकरणका लागि पहल गर्न सबै तहका जनप्रतिनिधि‚ विज्ञ तथा प्रकृतिप्रेमी सबैमा आह्वान गर्दछु।

— Bidya Devi Bhandari (@PresidentofNP) April 8, 2021

जलवायु परिवर्तनका कारण हिउँदे वर्षा अनियमित भइरहेको परिवेशमा डढेलो, औद्योगिक र सवारी साधनको धुवाँ, धुलो आदिबाट देशमा प्रदूषण बढेको भन्दै न्यूनीकरण गर्न राष्ट्रपतिले आग्रह गरेकी हुन् ।

पछिल्लो समय डढेलो धुवाँको कारण वायुमण्डल प्रदूषित बनिरहेको छ ।