वैदेशिक सहायता परिचालन २१ प्रतिशतले वृद्धि, आइएनजीओको अनुदान घट्यो

काठमाडौं । अर्थ मन्त्रालयद्वारा प्रकाशित विकास सहयोग प्रतिवेदन २०२० अनुसार २०१९ र २० मा नेपालले प्राप्त गरेको आधिकारिक विकास सहायता (ओडीए) २ हजार ३ मिलियन अमेरिकी डलर रहेको छ ।

२०१८ र १९ मा १५ सय ७८ मिलियन डलर ओडीएको रूपमा प्राप्त भएको थियो । यसको तुलनामा यस वर्षको ओडीए २१.२५ ले वृद्धि भएको अर्थ मन्त्रालयले जनाएको छ ।

विकास सहयोग प्रतिवेदनले २०१९ र २०२० मा नेपालले विभिन्न द्विपक्षीय र बहुपक्षीय विकास साझेदारहरूबाट प्राप्त गरेको ओडीए तथा अन्तर्राष्ट्रिय गैरसरकारी संस्थाहरू मार्फत प्राप्त गरेको सहयोगको विस्तृत विवरण उपलव्ध गराउने गर्दछ ।

दातृ निकायहरुबाट प्राप्त हुने आर्थिक सहायता ओडीए अन्तर्गतको रकम ६९.९५ ऋणको रूपमा, १८.७५ अनुदानको रूपमा र ११.३५ प्राविधिक सहयोगका रूपमा प्रदान गरिएको अर्थ मन्त्रालयले जनाएको छ ।

यद्यपि अन्तर्राष्ट्रिय गैर -सरकारी संस्था मार्फतको योगदान २०१८ र १९ को रकम २१५.३ मिलियन अमेरिकी डलरबाट घटेर २०१९ र २० मा १३१.८ मिलियन अमेरिकी डलर पुगेको छ ।