बेलायती राजकुमार फिलिपको ९९ वर्षको उमेरमा निधन
नेपाल प्रेस
२०७७ चैत २७ गते १७:२७
काठमाडौं । बेलायती राजकुमार फिलिपको ९९ वर्षको उमेरमा शुक्रबार निधन भएको छ । उनी महारानी एलिजाबेथ द्धितीयका पति हुन् ।
बंघिगम दरबारले निकै दुःखका साथ रानीले आफ्ना पतिको निधन भएको पुष्टि गरेको जनाएको छ । शुक्रबार बिहान उनको निधन भएको जनाइएको छ ।
प्रधानमन्त्री बोरिस जोन्सनले प्रिन्स फिलिप युवापुस्ताका आदर्श भएको बताएका छन् । सन् १९४७ मा फिलिपले एलिजाबेथलाई विहे गरेका थिए । उनको मुटुमा केही महिनादेखि समस्या देखिएको थियो ।
प्रिन्स फिलिप र रानी एलिजाबेथबाट चार सन्तान, आठ नातिनातिना र १० पनाति–पनातिनी छन् ।
प्रतिक्रिया
सम्बन्धित खवर