महन्थ ठाकुरले भने–हाम्रो मुद्दा प्रधानमन्त्री ओलीको पासमा गइसकेको छ

काठमाडौं । जनता समाजवादी पार्टीका अध्यक्ष महन्थ ठाकुरले रेशम चौधरी लगायतको मुद्दा फिर्ताको प्रक्रिया अघि बढिसकेको हुनाले आफूहरु अहिले सरकार गठनबारे छलफलमा नरहेको बताएका छन् ।

कांग्रेस सभापति शेर बहादुर देउवाको आह्वानमा भएको तीन दलीय बैठकमा भाग लिएर फर्किने क्रममा ठाकुरले सरकार बनाउने प्रस्ताव पहिलो पटक देउवाले राखेको र त्यसबारे पार्टीमा छलफल हुने बताए ।

ठाकुरले भने–सरकार बनाउने प्रस्ताव आएको छ,हामीले पार्टीभित्र कुनै छलफल गरेको छैन,हाम्रो मुद्दा प्रधानमन्त्री ओलीले अगाडि बढाउनुभएको छ । उहाँको पासमा गइसकेको छ । उहाँहरुले हामी पनि गर्छौं भन्नुभएको छ । तर यसबारेमा छलफल गर्न बाँकी छ ।

ठाकुरले आफ्ना नेता कार्यकर्तामाथिको मुद्दा फिर्ताको प्रक्रियामा गइसकेकाले थप छलफल गरिने बताए ।