दुर्घटनामा बालकको मृत्युपछि स्थानीय आन्दोलित, सडक अवरुद्ध
नेपाल प्रेस
२०७७ चैत २८ गते ११:४३
कैलाली । कैलालीको पूर्व–पश्चिम राजमार्ग अन्तर्गत स्याउलेमा स्थानीयले सडक अवरुद्ध गरेका छन् ।
मोटरसाइकलको ठक्करबाट घाइते भएका बालकको मृत्यु भएपछि उनका परिवार तथा आफन्तहरूले सडक अवरुद्ध गरेका हुन् ।
जिल्लाको गोदावरी नगरपालिका–८ स्याउलेमा शुक्रबार साझ मोटरसाइकलको ठक्करबाट ५ वर्षीय बालक आयुष जोशी घाइते भएका थिए । उपचारका क्रममा शनिवार बिहान उनको मृत्यु भएको हो ।
बालकलाई ठक्कर दिने मोटरसाइकल र चालकको अझै सम्म पहिचान हुन सकेको छैन ।
मोटरसाइकल र चालकको पहिचान गरी कारबाहीको माग राख्दै मृतक बालकका परिवार तथा आफन्तहरूले सडक अवरुद्ध गरेको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक प्रतीक विष्टले जानकारी दिए ।
नेपाल प्रेस
प्रकाशित: २०७७ चैत २८ गते ११:४३
प्रतिक्रिया
सम्बन्धित खवर
