माछाबाट पेडिक्योर ! पेप्सीकोलामा खुल्यो ‘डा. फिस स्पा’ (भिडियाे)

काठमाडाै‌। आरामदायी सोफामा बसेर दुवै खुट्टा पानीभित्र चोबल्नुस । तपाईंका खुट्टा वरिपरी स्याउँस्याँ माछाहरु दौडनेछन् । सुरुमा काउँकुति, त्यसपछि अद्भूत आनन्द ।

यो हो, नेपालमा हालै भित्रिएको माछाबाट खुट्टाको थेरापी गर्ने पद्दति– फिस स्पा । पेप्सीकोला टाउनप्लानिङमा खुलेको ‘डा. फिस स्पा’ को शनिबार अभिनेता दिपकराज गिरीले उद्घाटन गरे ।

जानकारका अनुसार यो थेरापीले क्षणिक आनन्द दिने मात्र नभएर खुट्टा तथा शारीरिक स्वास्थ्यलाई विभिन्न फाइदा पुर्याउँछ । फुटेको कुरकुच्चालाई नरम बनाउने, खु्ट्टाका मृत कोषहरुलाई हटाउने र नयाँ पैदा गर्ने, शरीरको रक्तसञ्चारलाई सुधार गर्ने, स्ट्रेस घटाउने लगायत यसका फाइदा छन् ।

फिस स्पाको उद्घाटन गर्दै अभिनेता आज आफ्नो दोस्रो अनुभव भएको बताए । उनले यसअघि थाइल्यान्डमा फिस स्पाको पहिलो अनुभव सुनाएका थिए ।

‘मलाई निकै राम्रो अनुभव भएको थियो, नेपालमा पनि यस्तो सुरु भएकोमा खुशी लागेको छ,’ उनले भने । डा. फिस स्पाभित्र ओयल मसाज, लेग मसाज तथा होल बडी इलेक्ट्रिक मसाज लगायतका सुविधा पनि रहेका छन् ।

हेर्नुस भिडियो: