प्रेमध्वज प्रधानले सार्वजनिक गरे उदेशको नयाँ गीत ‘मलाई तिमी मनपर्‍यो’

काठमाडौं । गायक उदेश श्रेष्ठले नयाँ गीत ‘मलाइ तिमी मन पर्‍यो’ सार्वजनिक गरेका छन् । आइतबार राजधानीमा आयोजित कार्यक्रममा बरिष्ठ गायक प्रेमध्वज प्रधानले श्रेष्ठको गीत रिलिज गरे ।

लन्च गरिएको गीतमा गायक श्रेष्ठ स्वयम चित्रित छन् । उनकै स्वर र संगीत छ भने अर्जुन पासवानको शब्द समावेश छन् ।

‘उद्देश्य’ गीतिसंग्रहमा संग्रहित पहिलो गीतको भिडियो सार्वजनिक कार्यक्रममा उपस्थित गायक प्रधानले उदेशलाई संगीतमा निरन्तरता दिन आग्रह गरे । ‘उदेशले आफैले गाउनुका साथै संगीत गर्न सक्छन र लेख्ने क्षमता पनि रहेछ । अब उनले संगीतमा आफुलाई निरन्तर लगाउनु पर्छ । उनलाई श्रोताले रुचाइसकेका छन्’ , त्यसैले निरन्तर गीतसंगीत मार्फत साक्षात्कार गर्नु पर्छ’ प्रेमध्वजले भने ।

गायक श्रेष्ठले प्रेमध्वजका रुचाइएका गीतहरु गाए । प्रेमध्वजकै अगाडी गीत गाउन पाउँदा आफूलाई भाग्यमानी महसुस भएको उनले बताए । गीत सुनिसकेपछि प्रेमध्वजले पनि मुक्तकण्ठले उनको प्रशंसा गरे ।

यो जुनीमा तिम्रो हुन् सकिन , किन मायामा यति धेरै चोट हुन्छ , तिम्रो लागि आज म धेरै लगायतका गीतमार्फत चर्चित उदेशले यसैगीत मार्फत मोडलिङ सुरु गरेका हुन् ।

गीतमा उनलाई ,माङ्गसा लिम्बु , सञ्जल भण्डारी र प्रिया लिम्बुले साथ दिएकी छिन् । गीतमा छेवाङ्ग लामाको निर्देशन छ ।