बैदेशिक लगानी ३४.८ प्रतिशले घट्यो

काठमाडौं । नेपाल राष्ट्र बैंकले चालू आर्थिक बर्षको ८ महिनाको आर्थिक तथा वित्तीय स्थिति सार्वजनिक गर्दै प्रत्यक्ष बैदेशिक लगानी गत बर्षको तुलनामा ३४.८ प्रतिशतले घटेको जनाएको छ ।

गत बर्ष १५ अर्ब ६१ करोड रहेको प्रत्यक्ष बैदेशिक लगानी घटेर यो बर्षको पहिलो आठ महिना १० अर्ब १८ करोड रुपैयाँ मात्रै भित्रिएको राष्ट्र बैंकले जनाएको हाे । कोभिडका कारण प्रभावित नेपालको अर्थतन्त्र पुरानै अवस्थामा फर्किदै गर्दा आयात भने २ प्रतिशतले बढ्न छ ।

आयातमा भएको बृद्धि पुँजगत ट्रान्सफर र न्युन प्रत्यक्ष बैदेशिक लगानीका कारण नेपालको चालु खाता ऋणात्मक १ खर्ब ४८ अर्ब रुपैयाँले ऋणात्मक भएको छ । यद्यपी शोधानान्तरस्थित भने ६८ अर्ब रुपैयाँले बचतमा रहेको केन्द्रिय बैंकले जनाएको छ ।

समिक्षा अवधिकमा बिप्रेषण आप्रवाह ८.६ प्रतिशले बढ्दै ६ खर्ब ४२ अर्ब रुपैयाँ पुगेको छ । कुल आयात २.१ प्रतिशतले बृद्धि भइ ९ खर्ब ४३ अर्ब रुपैयाँ ९९ करोड रुपैयाँ रहेको छ भने निर्यात ७.८ प्रतिशतले बढ्दै ८० अर्ब ७८ करोड रुपैयाँ पुगेको छ ।

त्यस्तै बिन्दुगत आधारमा उपभोक्ता मुल्य सुचाङ्कमा आधारित मुद्रास्फीति ३.०२ प्रतिशत रहेको छ । समिक्षा अवधिका कुन निक्षेप ११ प्रतिशतले बढेको छ ।