तनहुँका एमाले र युवा संघका नेताहरु नेपाल पक्षको समानान्तर कमिटीबाट अलग

तनहुँ । नेकपा एमालेमा माधव नेपाल पक्षले समानान्तर कमिटी अभियान चलाइरहेका बेला नेपाल पक्षका नेताहरु त्यसबाट अलग हुँदै संस्थापन पक्षमा खुल्ने क्रम चलेको छ ।

एमाले तनहुँका जिल्ला उपसचिव बिष्णुभक्त सिग्देल र युवा संघको केन्द्रीय सदस्यहरुले मंगलवार एमाले नेता तथा पूर्वमन्त्री महेश बस्नेतको उपस्थिति रहेको कार्यक्रमबाट आफूहरु माधव नेपाल पक्षमा नरहेको घोषणा गरेका छन् ।

बस्नेत तनहुँ पुगेका छन। तनहुँको राष्ट्रिय युवा संघ नेपालको जिल्ला स्तरीय र्‍याली तथा आमशभामा सम्बोधन गर्न उनी आएका हुन।

सो कार्यक्रममा एमाले तनहुँका जिल्ला उपसचिव बिष्णुभक्त सिग्देल र नरेस साहीको नेतृत्वको युवा संघको केन्द्रीय सदस्यहरु नारायण थापा र सुशील सिग्देल ले माधव नेपाल पक्षको साथ छाडेको घोषणा गरेका छन।

आबुखैरेनी, डुम्रे,भिमाद, शुक्लागण्डकी लगाएत स्थानबाट आएको मोटर साइकल र्‍यालीले दमौली बजार परिक्रमा गरेको थियो। युवा इन्चार्ज महेश बस्नेत, केन्द्रिय अध्यक्ष वचन बहादुर सिं, सह अध्यक्ष किरण पौडेल लगाएतको टिम तीनवटा अभियान लिएर हिडेको छ। केपी ओलीको पक्षमा माहौल बनाउने र साइबर सेना तयार पार्ने भन्दै युवा संघका नेताहरुलाई लिएर बस्नेले अभियान चलाएका छन् ।