भारतमा आज १ लाख ८४ हजार संक्रमित थपिए, मुम्बईमा दुई साता लामो लकडाउन घोषणा
नेपाल प्रेस
२०७८ वैशाख १ गते १२:२८
मुम्बई । भाइरस संक्रमण ब्यापकरुपमा फैलिएपछि बुधबारदेखि भारतको महाराष्ट्र राज्यमा दुई साताका लागि लकडाउन घोषणा गरिएको छ ।
मंगलबार भिडियो सम्बोधन गर्दै मुख्यमन्त्री उद्धव ठाकरेले बुधबार साँझदेखि १५ दिनका लागि राज्यभर कडा लकडाउन गर्ने घोषणा गरेका हुन् । कोरोनाभाइरस नियन्त्रणका लागि गठित कार्यदलसँगको छलफलपछि ठाकरेले लकडाउन घोषणा गरेका हुन् ।
भारतमा बुधबार १ लाख ८४ हजार संक्रमित थपिएका छन् । भारतको कूल संक्रमित संख्या १ करोड ३८ लाख पुगेको छ । २४ घण्टामा १,०२७ जनाको मृत्यु भएको छ ।
भारतले अमेरिकी खोपहरु फाइजर र जोन्सन एन्ड जोन्सनलाई आपतकालिन प्रयोगका लागि अनुमति दिएको छ ।
नेपाल प्रेस
प्रकाशित: २०७८ वैशाख १ गते १२:२८
प्रतिक्रिया
सम्बन्धित खवर
