सुपारीलगायतका सामानमा लगाइएको कोटा प्रणाली स्थगित 

काठमाडौं । लामो समयदेखि कोटा प्रणालीमा आयात गरिदैं आएको केराउ, सुपारी, छोकडा साथै गेडा मरिच आयातमा वाणिज्य, आपूर्ति तथा उपभोक्ताहित संरक्षण विभागले स्थगित गरेको छ ।

कोटा प्रणालीबाट यी वस्तुको आयात गर्दा मागलाई धान्न नसकेको भन्दै विभागले विहीबार  कोटा प्रणाली स्थगित गर्ने निणर्य गरेको हो ।

विभागका अनुसार कोटा प्रणालीबाट तीन गुणाभन्दा बढी माग आएको थियो । विदेशबाट आयात धेरै भएपछि चोरी निकासी भएको भन्दै नेपालले आयातमा प्रतिवन्ध लगाएको थियो । एक वर्षपछि गत चैत ९ गते बसेको मन्त्रिपरिषद्को बैठकले कोटा प्रणाली आयात खुला गरेको थियो ।

वार्षिक ८० हजार मेट्रिक टन केराउ, २५ हजार मेट्रिक टन सुपारी, पाँच हजार मेट्रिक छोकडा र १५ हजार मेट्रिक टन मरिच आयात गर्न सक्ने कोटा राख्दै प्रतिवन्ध हटाएको थियो ।