एफए कपको उपाधिका लागि चेल्सीले लिसेस्टरसँग खेल्ने
नेपाल प्रेस
२०७८ वैशाख ६ गते ७:०२
एजेन्सी । इंग्लिस एफ ए कपको उपाधिका लागि चेल्सीले प्रिमियर लिगको तेस्रो स्थानमा रहेको लिसेस्टर सिटीसँग खेल्ने भएको छ । लिसेस्टरले गएराति भएको सेमिफाइनलमा साउथह्याम्प्टनमाथि १–० गोलअन्तरको जित निकाल्यो ।
चेल्सी यसअघि नै प्रिमियर लिग लिडर म्यानचेस्टर सिटीलाई पराजित गरी फाइनलमा पुगिसकेको छ ।
फाइनल खेल वेम्वली रंगशालामा मे १५ मा हुनेछ ।
गएराति वेम्वलीमै भएको दोस्रो सेमिफाइनलमा लिसेस्टरका लागि केलाची हेनाचोले दोस्रो हाफको सुरुआतमा गरेको गोल नै जितका लागि निर्णायक बन्यो । प्रिमियर लिगमा पनि खराव लयबाट गुज्रिरहेको साउथह्याम्प्टन त्यसयता खेलमा फर्किन सकेन ।
नेपाल प्रेस
प्रकाशित: २०७८ वैशाख ६ गते ७:०२
प्रतिक्रिया
सम्बन्धित खवर
