लुम्बिनी प्रदेश
मुख्यमन्त्री शंकर पोखरेलविरुद्ध अविश्वास प्रस्ताव दर्ता
नेपाल प्रेस
२०७८ वैशाख ६ गते १३:२०
काठमाडौं । लुम्बिनी प्रदेशका मुख्यमन्त्री शंकर पोखरेलविरुद्ध अविश्वास प्रस्ताव दर्ता गरिएको छ ।
नेपाली कांग्रेस, नेकपा माओवादी केन्द्र र जनता समाजवादी पार्टीले केही बेरअघि प्रदेससभा सचिवालयमा अविश्वास प्रस्ताव दर्ता गराएका हुन् ।
अविश्वास प्रस्ताव दर्ता गराउँदै नयाँ मुख्यमन्त्रीका रूपमा माओवादी केन्द्रका कुलप्रसाद केसीलाई प्रस्ताव गरिएको छ ।
अविश्वास प्रस्तावमा ४१ सांसदले हस्ताक्षर गरेका छन् । जसमा नेपाली कांग्रेसका १९, माओवादीका १७ र जसपाका ५ जना छन् । जसपाकी कल्पना पाण्डेले भने हस्ताक्षर गरेकी छैनन् । अविश्वासको प्रस्ताव पेस गर्ने पार्टीको आधिकारिक निर्णय नभएकोले आफूले हस्ताक्षर नगरेको उनले बताइन् ।
नेपाल प्रेस
प्रकाशित: २०७८ वैशाख ६ गते १३:२०
प्रतिक्रिया
सम्बन्धित खवर
