कञ्चनपुरको भीमदत्त नगरपालिकामा ९ दिन विद्यालय बन्द

कैलाली । कञ्चनपुरको भीमदत्त नगरपालिकामा रहेको विद्यालयहरू ९ दिनका लागि बन्द हुने भएका छन् ।

सामुदायिक तथा संस्थागत विद्यालयका प्रमुखहरूको बैठकले मङ्गलबारबाट ९ दिन विद्यालय बन्द गर्ने निर्णय गरेको हो ।

कोरोना संक्रमण बढ्न थालेको भन्दै वैशाख ७ गतेदेखि १५ गतेसम्म विद्यालय बन्द गर्ने निर्णय गरिएको नगरपालिकाले जारी गरेको सूचनामा उल्लेख छ ।

नगरपालिकाकी कार्यवाहक प्रमुख सुशीला चन्द सिंहको अध्यक्षमा बसेको बैठकले कक्षा १ देखि ९ सम्मको वार्षिक परीक्षा वैशाख २६ गते पछि गर्ने निर्णय गरेको छ ।