सिभिल बैंकका सीईओ गुरुङकाे राजीनामा स्वीकृत
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/04/civil-bank-ceo-govinda.jpg)
काठमाडौं । सिभिल बैंक लिमिटेडका प्रमुख कार्यकारी अधिकृत गोविन्द गुरुङले दिएको राजीनामा स्वीकृत भएको छ ।
बैंकको ५ गते बसेको सञ्चालक समितिको बैंठकले उनको राजीनामा स्वीकृत गरेको हो ।
गुरुङ म्यान्मारको एक बैंकमा प्रमुख कार्यकारी अधिकृत भएर जाने निश्चित भएपश्चात सिभिल बैंकमा उनको कार्यकाल सकिन्न तीन महिना बाँकी रहदै उनले राजीनामा दिएका हुन् ।
नेपालबाट विदेशी बैंकको प्रमुख कार्यकारी अधिकृत बन्ने गुरुङ पहिलो व्यक्ति हुन । उनी सिभिल बैंकको कार्यकारी अधिकृत हुनुभन्दा अगाडी हिमालयन बैंक , ग्लोबल बैंक र मेगा बैंकमा रही काम गरेको अनुभव रहेको थियो ।
उनको राजीनामा बैशाख १८ गतेबाट कार्यान्वयनमा आउने भएकाले उनको स्थानमा डेपुटी प्रमुख कार्यकारी अधिकृत सुनिल पोखरेललाई निमित्त प्रमुख कार्यकारी अधिकृतको जिम्मेवारी दिइएको बैंकले जनाएको छ ।