सिटिजन्स बैंकको तेस्रो त्रैमासको नाफा १ अर्ब ८३ करोड

काठमाडौं । सिटिजन्स बैंक इन्टरनेसनलको तेस्रो त्रैमाससम्मको नाफा ४१.६१ प्रतिशत बढेको छ । सार्वजनिक प्रतिवेदन अनुसार बैंकले यो अवधिमा १ अर्ब ८३ करोड नाफा गरेको छ ।

अघिल्लो आर्थिक वर्षको तुलनामा यस बैंकले आफ्नो नाफा १ अर्ब ९ करोड रूपैयाँले बढाएको हो । सिटिजन्स बैंकले तिनाउ विकास बैंकलाई गाभेको थियो ।

बैंकले आफ्नो निक्षेपसमेत ४३.६८ प्रतिशतले वृद्धि गरेको बैंकको प्रतिवेदनमा उल्लेख छ । त्यस्तै खुद ब्याज आम्दानीबाट यस बैंकले २ खर्ब ५४ करोड रूपैयाँ बढाएको छ जुन अघिल्लो वर्षको तेस्रो क्वाटरको तुलनामा १३.१९ प्रतिशतले बढी हो ।

यो अवधिमा बैंकको खराव कर्जाको अनुपात ०.९७ प्रतिशतबाट बढेर १.८३ प्रतिशत पुगेको छ । त्यस्तै कम्पनीको प्रति कित्ता सेयर आम्दानी १७.६७ रूपैयाँले बढेको छ ।