काठमाडौं । कोरोना भाइरस संक्रमण रोक्न सरकारले भिडभाडमा कडाइ गरेका बेला आजबाट सेतो मच्छिन्द्रनाथको रथयात्रा सुरु भएको छ । रथयात्रामा स्वास्थ्य मापदण्डहरु पालना गरिएको छैन ।
काठमाडौंको तीनधाराबाट रथयात्रा सुरु भएको हो । आज रथलाई असनसम्म पुर्याइएको छ । यो रथयात्रा पाँच दिनसम्म चल्ने छ ।
कोरोनाको संक्रमणका कारण रथयात्रामा सम्वन्धित मानिसहरु मात्र उपस्थित हुन आयोजक समितिले आह्वान गरेको थियो । तर, रथयात्रामा व्यापक भिडभाड देखिएको छ ।
आज अपरान्ह सेतो मच्छिन्द्रनाथको मूर्तिलाई खटमा राखेर नगर परिक्रमापछि जमल लगिएको थियो । ६ बजेपछि रथयात्रा सुरु भएको हो ।
