तीन अर्धशतकपछि टी-२० वरियतामा कुशलको इन्ट्री
नेपाल प्रेस
२०७८ वैशाख ८ गते १४:२४
काठमाडौं । अन्तर्राष्ट्रिय टी-२० करिअरमा मात्र ३ वटा म्याच खेलेका नेपाली ब्याट्सम्यान कुशल भुर्तेल आईसीसीको वरियतामा परेका छन् ।
आईसीसीले आज प्रकाशित गरेको १०० सर्वोत्कृष्ट टी-२० ब्याट्सम्यानको सूचीमा कुशलको इन्ट्री भएको हो ।वरियतासूचीमा कुशल ९३ औं स्थानमा छन् । उनीबाहेक नेपालका पूर्वकप्तान पारस खड्का सूचीमा ८३ औं स्थानमा छन् ।
कुशलले हाल जारी रहेको त्रिकोणात्मक टी-२० सिरिजमा लगातार ३ अर्धशतक प्रहार गरेका थिए ।
पारस खड्का १० स्थान तल झरेर ८३ मा पुग्दा सन्दीप लामिछाने बलिङतर्फ ७ स्थान सुधार गरेर ७७ मा उक्लेका छन् ।
नेपाल प्रेस
प्रकाशित: २०७८ वैशाख ८ गते १४:२४
प्रतिक्रिया
सम्बन्धित खवर
