भारतमा एकैदिन ३ लाखभन्दा बढीलाई कोरोना संक्रमण, २१०४ को मृत्यु

दिल्ली । भारतमा बिहिबार ३ लाख १४ हजार ८ सय ३५ जना कोरोनाभाइरस संक्रमित थपिएका छन् । भारतमा दैनिक रुपमा २ लाख भन्दा बढीलाई भाइरस संक्रमण पुष्टि भएको विश्वकै पहिलो घटना हो ।

त्यस्तै त्यहाँ पछिल्लो २४ घण्टामा २ हजार १ सय ४ जनाको मृत्यु भएको छ । योसँगै भारतमा संक्रमितको संख्या १ करोड ५९ लाख ३० हजार ९ सय ६५ पुगेको छ ।

त्यस्तै अहिलेसम्म कोरोनाले १ लाख ८४ हजार ६ सय ५७ जनाको मृत्यु भएको छ भने १ करोड ३४ लाखभन्दा बढी संक्रमणमुक्त भएका छन । भारतमा अहिले २२ लाख ९१ हजारभन्दा बढी सक्रिय संक्रमित रहेका छन ।

भारतको राजधानी दिल्लीलगायत महाराष्ट्र, मध्यप्रदेश, गुजरात, उत्तर प्रदेशजस्ता प्रमुख शहरका अस्पतालहरुमा समयमा अक्सिजन उपलब्ध नहुँदा धेरैले ज्यान गुमाउनु परेको छ ।