हतकडीसहित भागेका भारतीय ७ महिनापछि पक्राउ

काठमाडौं । महानगरीय प्रहरी वृत्त कालिमाटीबाट सात महिनाअघि हतकडीसहित फरार रहेका एक भारतीय पुन: पक्राउ परेका छन ।

भारत बिहार समस्तीपुर पटौरी थाना घर भएका १८ वर्षीय किशोरलाई प्रहरीले कालिमाटी परोपकारबाट पक्राउ गरेको हो । २०७७ असोज २ गते अनुसन्धानको सिलसिलामा महानगरीय प्रहरी वृत्त कालिमाटीबाट भागेका थिए ।

काठमाडौं कालीमाटी सुकुम्बासी टोल बस्ने युवकलाई महानगरीय अपराध महाशाखा मिनभवनबाट खटिएको विशेष टोलीले बुधबार पक्राउ गरेको प्रहरीले जनाएको छ ।

उनलाई आवश्यक कारवाहीका लागि महानगरीय प्रहरी वृत्त कालिमाटी पठाइएको महानगरीय अपराध महाशाखाले जनाएको छ ।